*Scholarship शिष्यवृत्ती – (पाचवी व आठवी)*

विषय: मराठी

घटक : 2 – शब्दसंपत्ती

*उपघटक : 2.8 : एकाच शब्दाचे भिन्न अर्थ असणारे शब्द*

• भाषेमध्ये दिलेल्या शब्दाला एकाच अर्थाचे अनेक समानार्थी शब्द असतात.

• तसे एकाच शब्दाचे संदर्भावरून भिन्न असणारे अनेक शब्द आहेत. 

• हे शब्द जेव्हा वाक्यात येतात तेव्हा त्या वाक्याच्या अर्थावरून, संदर्भावरून त्या शब्दाचा अर्थ लावावा लागतो.

• उदा. 1) त्याने दोन्ही कर जोडून नमस्कार केला.

• 2) बाबांनी ग्रामपंचायत कार्यालयात कर भरला.

• 3) तू नियमित अभ्यास कर.

• 4) सूर्य आपल्या सहस्त्र करानी आसमंत उजळतो.

• पहिल्या वाक्यात 'कर' म्हणजे हात असा अर्थ होतो. 

• दुसऱ्या वाक्यात सरकारकडे जमा करावयाचा पैसा असा अर्थ होतो.

• तिसऱ्या वाक्यात क्रिया करणे (एक क्रियापद) असा अर्थ होतो. 

• चौथ्या वाक्यात 'कर' शब्दाचा अर्थ 'किरणे' असा होतो. 

• अशा एकाच शब्दाला असणाऱ्या भिन्न अर्थामुळे भाषेचे सोंदर्य वाढले.

• लेखनशैली सुधारते.